الدراسات العليا بكلية الحقوق جامعة عين شمس ؟
أتخرجت من كلية حقوق ماذا بعد ؟!
لا ياصديقى مش ولا أى حاجه , انت اها اتخرجت
بس خلصت المراحل الاساسية ودلوقتى أنت انتقلت للمرحله الأختيارية , يعنى انت هنا
بأدراتك يا تكمل يا متكملش .
طيب مش فاهم أكمل إيه ؟
أقولك انا تكمل دراسات عليا .
طيب أكملها ليه ؟ وأكملها إمتى ؟
تكملها ليه لان الشهادة الاساسية مبقتش الحل
الاساسي هى مجرد وسيلة فقط لكن الباقى الى جاي محتاج اكثر من ورقه مكتوب فيها انك
اتخرجت بتقدير كذا , طيب إمتى تكمل ده سؤال كويس تكمل وقت ما هتكون عايز تشتغل
بمجال دراستك ألا وهو القانون سواء محامى أو هتلتحق بأى جهة قضائية .
طيب هل بتفرق الدراسه دى عن الدراسة العادية ؟
يوووووووه مقولكش الموضوع بيختلف نهائى أولا
انت هنا بأختيارك وأختارت بنفسك الطريق ده فا المعاملة بتختلف أولا انت بتدرس
بتعمق أكثر القانون بتتعرضله بصور أكثر معلوماتية ومش بس معلومات ولكن أبحاث كمان
.
إيه ده هو فيها أبحاث ؟
اها طبعا فيها ابحاث هتطلب منك لانك مبقتش
مسمى طالب عادى انت صفتك باحث وليس طالب .
طيب دى هعملها بنفسى ؟
اها بنفسك طبعا فى مكتبات بره هتعملهالك
بفلوس بس لو ناوى تعتمد على كده منصحكش تبدأ أصلا دراسات عليا لان الهدف كله من
الدراسه الاختياريه وحط تحتها مليون خط انك تتعلم ازاى تبحث وتأسس معلومة بنفسك مش
مجرد بتنقل من حفظك لملزمه وكتاب .
طيب هل هتفيدنى ؟
طبعا الدراسه هنا زى ما قلتلك هى اكثر تعمق
مش مجرد معلومات او نظريات عن القانون , علشان كده سواء كنت محامى هتفيدك طيب لو
هتقدم فى هيئات قضائية طبعا هتفرق معاك كل ما كان مستواك العلمى اعلى كل ما كانت
سندك قدم الهيئة الى هتنظر للملف بتاعك .
طيب إيه هى الدراسات العليا بقى ؟
هى دراسات اختياريه ومنقسمة لعدة دبلومات
اهمهم أو اساسهم دبلومات القانون الخاص والقانون العام دول الفروع الاساسية الى
هتبنيى عليهم مستقبلك العلمى او الاكاديمى , وبعدين تتنقل للتخصصات الفرعية
دبلومات زى التجارة الدولية , المدنى , الجنائى , الدولى , العلوم الإدارية ,
وغيرها كتير .
طيب هتفيدينى الدراسات دى فى إيه ؟
كل دبلومة أو كل تخصص ليه منهجية خاصه بيه
بتناقش أو بتخاطب كيان محدد او فرع معين من القانون وليكن مثال التجارة الدولية
وهى الاكثر طلباً من الطلبة ليه لانها بتهتم بفرع جميل من القانون وهو قانون
الشركات وقانون الاستثمار فا بتعلمك كل او أغلبية المعلومات الاساسية عن الشركات
وعن فروعها وعن الاستثمار وقانونه وعن التحكيم التجارى فا انت هنا بقيت بتتخصص فى
أكاديميا فى مجال قانون الشركات والتحكيم التجارى , فا كل دبلومه بتخاطب جزء او
فرع من القانون فا انت هنا بأختيارك بتختار الفرع المناسب ليك وبتقدر تكمله وبتعرف
عنه فى مجال دراستك وكمان مجال شغلك .
تابعونا على صفحة الفيسبوك : قانولوجى
أو إنضمو لقناة التليجرام : قانولوجى
وجروب : متفوقون حقوق عين شمس
تعليقات
إرسال تعليق