الدراسات العليا بكلية الحقوق جامعة عين شمس ؟ الجزء الثانى
أهلا بيكم فى الجزء الثانى من الدراسات العليا بكلية الحقوق عين شمس ؟
طيب أنا خلصت عايز أقدم فى دبلومه هتخار أنهى دبلومة ؟
السؤال الاهم انت بتدرس إيه وليه زى ما سبق
واتفقنا كل دبلومه ليها اختيارها وليها تخصصه فا انت بتختار إيه وليه علشان تقدر
تفيد نفسك من الى هتدرسه يعنى متبقاش انت محامى اكثر شغلك كله جنائى وتروح تدرس
دبلومة قانون مدنى هى اه هتفيدك معلومات بس انت هتفضل بعيد كل البعد عن التطبيق
العملي ليها ومش هتطبع معلوماتك خالص الى بحثت عنها ودرستها فى دبلومة القانون
المدنى , فا لما تيجى تختار الدبلومة اختار تخصصك اختار شغلك اختار المجال الى
حابب تشتغل عليه مش الدبلومة الاسهل مش الدبلومة الى فيها اصحابك مش الدبلومة الى
هتشغلنى فى بنك ولا فى هيئة معينه اختار الى هتقدر تستفيد منه وتفيد بيه .
طيب إيه نظام الدراسه فى الدراسات العليا ؟
الدراسات العليا زيها زي الليسانس انت هتدرس
عدد مواد وهما 5 فى كل دبلومة الى هيختلف انك هتمتحن بشكل جديد وتقسيمة درجات
جديده قلتيلى ازاى اقولك ازاى أولا انت هتمتحن الخمس مواد فى اخر السنه الدراسية
مفيش امتحانات ترم خالص ثانيا فى الليسانس كان النجاح من عشره فى الدراسات العليا
النجاح من 14 , فى الدراسات العليا بعد ما هتمتحن التحريرى ونتجتك تطلع بالنجاح ان
شاء الله ده مش معناه انك خلصت لا انت بتخش المرحله الثانيه وهى مرحلة الشفوى .
يعنى إيه شفوى ؟
الشفوى ده امتحان بتكون انت ومجموعه معاك
قدام دكتور المادة وفى نوعين فى دكتور هيحددلك جزء معين هتذاكره وهتتسأل فيه قدامه
بمعنى انه هيسأل كل واحد سؤال وكل واحد يجاوب عليه , وفى دكتور أخر هيقولك أعمل
بحث وهسألك فيه أو هيقولك كتاب معين مقرر للشفوى وفى كل الاحوال انت هتخش انت
وجروب معاك لمكتب الدكتور وتتسأل وتجاوب وبرضو ليه درجات ونجاح وسقوط .
طيب لاقدر الله لو جبت أقل من 14 سواء فى الشفوى او التحريري ؟
بالنسبة للحالة دى انت عندك درجات رأفه ولكن
هنا بتختلف عن النظام الاساسى او الليسانس انت هنا ليك 4 درجات رأفة بس وبتاخدهم
من أول لما تجيب 10 درجات فى المادة علشان توصلك لدرجة النجاح وهى 14 طيب لاقدر
الله لو وقعت فى مادة او مادتين او حتى كل المواد هتعيد كل المواد ثانى , الدبلومات
النظام فيها مختلف الرسوب فى مادة واحده بتعيد الخمس مواد كلهم حتى لو جايب فى
الاربعه الثانين امتياز , فا الالتزام هنا مفيش فى هزار يا تلتزم يا تستنى لما
تكون قادر تلتزم .
طيب هو ينفع اقدر اول لما اخلص ولا بعدها بفتره ؟
الدراسات العليا زى ما قلنا هو المرحلة
الاختيارية للدراسه معندكش وقت محدد للتقديم ولا فى تاريخ انتهاء او صلاحية لشهادة
تخرجك تقدر تقدم بعد ما تتخرج من الكلية على طول وممكن تقدم بعد ما تتخرج بعشر
سنين مفيش سن ولا وقت معين هيمنعوك تكمل دراسات عليا .
طيب إيه نظام الدبلومات بتأهلنى ليه انى احضر درساات عليا ؟
الاجابة هنا اكاديمية الشهادات الخاصه
بالدراسات العليا بتؤهلك للحصول على درجة الماجستير الى بعدها تقدر تحضر الدكتوراه
.
طيب ازاى احصل على ماجستير فى القانون ؟
أولا لازم تحضر دراسات عليا فى فرع من الفروع
الاساسية الى هما القانون الخاص أو القانون العام ثم بعد كده تحضر الدبلومة
التخصصية زى مدنى او جنائى او إجرائى او دولى وهكذا فا بعد ما هتحضر الدبلومتين
دول خاص او عام + دبلومة تخصصية هتحصل على شهادة تعادل درجة الماجستير وتؤهلك إنك
تقدم على رسالة الدكتوراة .
طيب انا اختار أنهى دبلومة اساسية عام ولا خاص ؟
الاختيار هنا بيكون مبنى على أختيارك
للدبلومة التخصصية علشان فيما بعد تقدر تحضر الدكتوراه أنت تقدر تحضر دبلومة عام
ثم دبلومة خاص وتقدر بيهم تحضر الدكتوراه فى أى فرع فى القانون , طيب لو عايز فرع
معين بتبدأ تختار الفرع الاساسى على حسب الفرع التخصصى يعنى مثلا هتختار دبلومة
مدنى يبقى تختار معاها دبلومة قانون خاص ليه لان انت بتدرس مواد تخصصية فى القانون
الخاص بتساوى نفس الى دبلومة القانون المدنى , طيب لو هتحضر دبلومة فى العلوم
الإدارية او الاقتصاد مثلا يبقى تحضر قانون عام علشان تقدر بيها تحصل على درجة
الماجستير وبالتالى تحضر الدكتوراة .
وبكده نكون جاوبنا على أغلبة التساؤلات الى
بخصوص الدراسات العليا أى استفسار ممكن تسيب كومنت وفريق عمل قانولوجى هيرد عليك
أوتراسلنا على صفحتنا: قانولوجى-Qanulogy
أو إنضم لقناتنا على التليجرام قانولوجى
تعليقات
إرسال تعليق